च्याम्पियन्स लिगअन्तर्गत समूह जीको अन्तिम खेलमा युभेन्ट्सले बार्सिलोनालाई पराजित गरेको छ ।
युभेन्टसले बार्सिलोनालाई मंगलबार राति भएको खेलमा ३–० गोल अन्तरले पराजित गरेको हो ।

युभेन्टसका लागि क्रिस्टियानो रोनाल्डोले २ र वेस्टन म्यानकेनीले एक गोल गरेका हुन् ।
सन् २०१८ मा रोनाल्डोले रियल मड्रिड छाडेपछि पहिलो पटक लियोनल मेस्सी नेतृत्वको बार्सिलोना विरुद्धको खेलेका हुन् ।

मेस्सी र रोनाल्डोको भिडन्तको रुमपा हेरिएको खेलमा युभेन्ट्सका रोनाल्डोले २ गोल गरेका हुन् । रोनाल्डोले च्याम्पियन्स लिगमा १ सय ३४ गोल संख्या पुरा गरेका छन् । सन् २०१६ पछि समूह चरणमा बार्सिलोनाले पहिलो पटक हारेको हो ।

समूह जीमा युभेन्ट्स र बार्सिलोनाले समान १५ अंक बटुलेका छन् । जितसँगै युभेन्ट्स समूहको शीर्ष स्थानमा रहँदै नकआउट चरणमा पुगेको छ ।
बार्सिलोना समूह उपविजेताको रुपमा अन्तिम १६ मा रहेको छ ।