युरोपियन नेशन्स लिग फुटबल प्रतियोगिताको सेमिफाइनल खेल तालिका सार्वजनिक भएको छ । युरोपियन फुटबलको सर्वोच्च निकाय यूएफाले विहीबार अन्तिम चरणको ‘ड्र’ सार्वजनिक गरेको हो ।
जसअनुसार प्रतियोगिताको पहिलो सेमिफाइनलमा इटाली र स्पेन भिड्ने छन् । यो खेल इटालीको मिलानमा अर्को वर्षको अक्टोबर ६ तारिखमा हुनेछ । यसैगरी दोस्रो सेमिफाइनलमा बेल्जियम र फ्रान्स आमने सामने हुनेछन् ।
यो खेल अक्टोबर ७ मा इटालीको टुरिनमा हुनेछ । फाइनल खेल भने अक्टोबर १० मा मिलानमा हुने छ ।