काठमाडौं । नेपालमा पछिल्लो २४ घण्टामा थप ३११४ जनामा कोरोना संक्रमण देखिएको छ । थपिएकामध्ये १४६८ जना काठमाडौं उपत्यकाका हुन् ।

स्वास्थ्य तथा जनसंख्या मन्त्रालयका अनुसार काठमाडौंमा १२४२, भक्तपुरका ६३ र ललितपुरमा १६३ जना नयाँ कोरोना संक्रमित थपिएका छन् । यससँगै देशभर हालसम्म कोरोना संक्रमित हुनेको संख्या १७९६१४ पुगेको छ ।

आज ३१४२ जना कोरोना संक्रमित निको भएसँगै हालसम्म कोरोना संक्रमणबाट निको हुनेको संख्या १४११३४ पुगेको छ । मुलुकमा हाल ३७४७६ जना सक्रिय संक्रमितहरू रहेका छन् । साथै १२७७ जना क्वारेन्टिनमा रहेका छन् ।