काठमाडौं । शुक्रबार कोरोनाले नेपालमा ४ रेकर्ड बनाएको छ । स्वास्थ्य मन्त्रालयले दिएको जानकारी अनुसार एकैदिन थपिने संक्रमितको संख्या अहिलेसम्मकै उच्च रहेको छ । २४ घण्टामा देशभर २७२२ जना संक्रमित थपिएका छन् ।

थपिने संक्रमितमा मात्रै नभएर एकैदिन धेरै डिस्चार्ज हुनेमा पनि शुक्रबार नयाँ रेकर्ड बनेको छ । ३३०७ संक्रमित कोरोनामुक्त भइ डिस्चार्ज भएका छन् । काठमाडौँ उपत्यकामा थपिएका संक्रमितको संख्या पनि अहिलेसम्मकै उच्च रहेको छ । एकैदिन १६३८ संक्रमित थपिएर नयाँ रेकर्ड बनेको छ ।

काठमाडौं जिल्लामा मात्रै थपिने संक्रमितको संख्या १२८० र यो हालसम्मकै नयाँ रेकर्ड हो। नेपालमा कुल संक्रमितको संख्या ८२,४५० पुगेको छ । यसमा ६०,६९६ कोरोनामुक्त भइसकेका छन् । ५२० जना संक्रमितको मृत्यु भएको छ ।