भारतमा एकै दिन ९५ हजार भन्दा बढीमा कोरोना भाइरस संक्रमण पुष्टि भएको छ । हिजो भारतमा ९५ हजार ५ सय २९ जना कोरोना भाइरसका नयाँ संक्रमित थपिएका हुन् । त्यहाँ कूल संक्रमितको संख्या ४४ लाख ६२ हजार ९ सय ६५ पुगेको छ ।

हालसम्म कोरानाका कारण भारतमा ७५ हजार ९१ जनाले ज्यान गुमाइसकेका छन । हिजो मात्रै भारतमा एक हजार १ सय ६८ जनाको मृत्यु भएको छ । भारतमा सक्रिय संक्रमितको संख्या नौ लाख २१ हजार ५५ छ । हालसम्म ३४ लाख ६६ हजार ८१९ जना उपचारपछि निको भएका छन् ।

अमेरिकामा ६५ लाख ४८ हजार संक्रमित रहेका छन् । जसमध्ये ३८ लाख बढी कोरोना मुक्त भएका छन् भने १ लाख ९५ हजारको मृत्यु भइसकेको छ । ब्रजिलमा कोरोना संक्रमितको संख्या ४१ लाख ९९ हजार छ भने १ लाख २८ हजारको मृत्यु भएको छ ।

विश्वमा कोरोना संक्रमितको संख्या दुई करोड ८० मानिसमा कोरोना संक्रमण पुष्टि भएको छ । कोरोनाका कारण ९ लाख बढीको मृत्यु भइसकेको छ ।