जमैका तलाबाजले क्यारेबियान प्रिमियर लिग सीपीएलमा तेस्रो जित निकालेको छ । गएराति भएको खेलमा जमैकाले सेन्ट किट्स एन्ड नेभिस प्याट्रिएसलाई ३७ रनले हराएको हो । जमैकाले १४८ रनको चुनौती दिएकोमा सेन्ट किट्स ११० रन बनाएर अलआउट भएको हो ।

नेपाली लेग स्पिनर सन्दीपले ४ ओभर बलिङ गर्दै २७ रन दिएर २ विकेट लिए । उनले एभिन लेविस र इस सोढीलाई आउट गरेका हुन् ।

सुरुमा ब्याटिङ गरेको जमैकाले ग्लेन फिलिप्सको ७९ रनको मद्दतले १४७ रनको योगफल तयार गरेको थियो । जितसँगै तलावाज छ खेलमा समान तीनमा जित र हार सहित तेस्रो स्थानमा उक्लिएको छ ।