काठमाण्डौ । भारत र पाकिस्तानबीचको एक दिवसीय क्रिकेट सिरिज रद्द भएपछि अर्को वर्ष न्युजिल्याण्डमा हुने महिला एक दिवसीय क्रिकेटमा भारत छनोट भएको छ ।

पाकिस्तानविरुद्धको छनोट सिरिज भारत सरकारले खेल्न अनुमति नदिए पछि रद्द भएको थियो । भारत र पाकिस्तानबीचका एक दिवसीय सिरिज गत वर्षको जुलाई र नोभेम्बरमा तय भएको थियो । तर भारत सरकारले पाकिस्तानसँग खेल्नका लागि अनुमति दिएन ।

सिरिज रद्द भएपछि दुवै टिमले समान अंक बाँडे । भारत र पाकिस्तानबीचको राजनीतिक समस्याका कारण दुई पकक्षीय सिरिजहरु हुन सकेका छैनन् । दुवै देश आईसीसीको इभेन्टमा मात्रै खेल्दै आएका छन् ।