काठमाडौं । अमेरिकामा कोरोना भाइरसबाट संक्रमित हुनेको संख्या चीनभन्दा तेब्बर भएको छ। वर्ल्डोमिटरको तथ्यांकअनुसार अमेरिकामा संक्रमित हुनेको संख्या २ लाख ४४ हजार ४४३ पुगेको छ।

जबकि चीनमा संक्रमित हुनेको संख्या ८१ हजार ५ सय ८९ रहेको छ। अमेरिकामा बिहीबारमात्र २९ हजार ४३० जना संक्रमित थपिएका छन्। अमेरिकामा सबैभन्दा धेरै न्युयोर्कमा ९३ हजार संक्रमित रहेका छन्, जसमध्ये २५ सय ३८ जनाको मृत्यु भइसकेको छ।

त्यसपछि न्युजर्सी, क्यालिफोर्निया, मिचिगन, फ्लोरिडालगायत सबै राज्यमा कोरोना भाइरसको संक्रमण तीव्ररुपमा फैलिरकहेको छ। अमेरिकी राष्ट्रपति डोनाल्ड ट्रम्पले अमेरिकामा मात्रै कोरोना भाइरसको संक्रमणबाट एक लाख बढीको मृत्यु हुने आँकलन गरेका छन्।