इंग्लीश प्रिमियर लिग फुटबलमा म्यान्चेस्टर युनाईटेडले म्यान्चेस्टर सिटीलाई पराजित गरेको छ । गएराती युनाइटेडको मैदान ओल्ड ट्राफोर्डमा भएको खेलमा म्यान्चेस्टर युनाईटेड २–० ले विजयी भयो । यो हारले म्यान्चेस्टर सिटीलाई धक्का लागेको छ भने युनाईटेड प्रिमियर लिगको अंक तालिकामा पाँचौ स्थानमा उक्लिएको छ ।

प्रिमियर लिग फुटबलकै अर्को खेलमा चेल्सीले एभर्टनलाई ४–० ले हराएको छ । जितपछि चेल्सीले तेस्रो स्थानको आफ्नो पकडलाई बलियो पारेको छ ।

प्रिमियर लिग फुटबलमा २९ खेलबाट ८२ अंक जोडेको लिभरपुल शीर्ष स्थानमा यथावत छ । एक खेल कम खेलेको म्यान्चेस्टर सिटी ५७ अंकसहित दोस्रो स्थानमा रहँदा तेस्रो स्थानको लेष्टर सिटीको ५० अंक छ ।

४८ अंकसहित चेल्सी चौथो तथा ४५ अंक जोडेको म्यान्चेस्टर युनाईटेड पाँचौ स्थानमा रहेको छ ।