काठमाडौं : आहा रारा गोल्डकपको १८ औं संस्करण आज बाट सुरु हुदैछ । सहारा क्लबको आयोजनामा सञ्चालन हुँदै आएको प्रतियोगिता पोखरा रंगशालामा चैत १ गतेसम्म चल्नेछ । प्रतियोगिताको उद्घाटन खेलमा आयोजक सहारा क्लब र ब्रिगेड ब्वाईज क्लबबीच प्रतिस्पर्धा हुनेछ । प्रतियोगितामा गान्टोक सिटी फुटबल क्लब भारत, रुस्लान थ्री स्टार क्लब, त्रिभुवन आर्मी क्लब, मनाङ मस्याङ्दी क्लब, ब्रिगेड व्बाईज क्लब, नेपाल पुलिस क्लब, नेपाल एपीएफ क्लब, संकटा क्लब, झापा–११ र आयोजक सहरा क्लबको सहभागीता रहने छ ।

प्रतियोगिताको विजेता र उपविजेता टोलीलाई दिइने पुरस्कारको राशी यस वर्ष बढाइएको छ । च्याम्पीयन हुने टोलीले १० लाख १ हजार रुपैयाँ पुरस्कार पाउने छ । यसैगरी उपविजेता टोलीले ५ लाख १ हजार रुपैयाँ पुरस्कार पाउने छ । प्रतियोगिता सञ्चालन गर्न करिब ९९ लाख ३८ हजार पाँच सय रुपैयाँ खर्च हुने आयोजकले जनाएको छ ।