शहीद स्मारक ‘ए’ डिभिजन लिग फुटबल अन्तर्गत आज तीन खेल हुदैछन् । लिगको १२ औं चरणको खेल अन्तर्गत आज पहिलो खेलमा त्रिभुवन आर्मी क्लब र ब्रिगेड ब्वाईज क्लबबीच प्रतिस्पर्धा हुँदैछ । यस्तै दोस्रो खेलमा थ्री स्टार क्लब र न्युरोड टिम एनआरटीबीच प्रतिस्पर्धा हुने छ भने तेस्रो खेलमा नेपाल पुलिस क्लब र मनाङ मर्स्याङ्दी क्लबबीच खेल हुनेछ ।

तीनै खेल ललितपुरको सातदोबाटोस्थित एन्फा कम्प्लेक्समा हुनेछ । पहिलो खेलमा दोस्रो स्थानको आर्मी र ब्रिगेड बिहान पौने ९ बजे भिड्नेछन् । ११ खेलमा २६ अंक जोडेको आर्मी दोस्रो स्थानमा छ । ८ अंक जोडेको ब्रिगेड १२ औं स्थानाम रहेको छ ।

यस्तै थ्री स्टार र एनआरटीबीचको खेल दिउँसो सवाँ १२ बजे भिड्नेछन् । २० अंक जोडेको थ्री स्टार लिगको चौंथो स्थानमा रहेको छ । १५ अंक जोडेको एनआरटी लिगको आठौं स्थानमा राजेको छ ।

लिगको उपाधि होडमा रहेको मनाङले दिउँसो साढे ३ बजे नेपाल पुलिस क्लबसँग खेल्नेछ । २२ अंक जोडेको मनाङ तेस्रो स्थानमा रहेको छ । छैटौं स्थानको पुलिसको १७ अंक रहेको छ ।