काठमाडौं, २५ माघ । आईसीसी विश्वकप लिग २ अन्तर्गत एक दिवसीय क्रिकेटमा अमेरिकाविरुद्ध नेपालले पहिला ब्याटिङ गर्ने भएको छ । त्रिवि क्रिकेट मैदान कीर्तिपुरमा टस हारेपछि नेपालले पहिला ब्याटिङ गर्न लागेको हो ।

आजको खेलमा कुशल मल्लले एक दिवसीय क्रिकेटमा डेब्यु गर्दै छन् । रोहित पौडेललाई रिप्लेस गर्दै कुशल प्लेयिङ सेटमा परेका हुन् । यसैगरी शरद भेषावकरको ठाउँमा सुवास खकुरेल पनि टिममा आएका छन् ।

आजको खेलमा सुवास र ज्ञानेन्द्र मल्लले ओपनिङ गर्ने छन् । जारी त्रिकोणात्मक सिरिजमा नेपाल र अमेरिकाले पहिलो खेल ओमानसँग पराजय भोगेकाले आज पहिलो जीतको खोजिमा छन् ।