आईसीसी विश्वकप लिग २ अन्तर्गत क्रिकोणात्म सिरिजमा नेपाल पहिलो खेलमै पराजित भएको छ ।

त्रिवि क्रिकेट मैदान कीर्तिपुरमा वुधबार भएको पहिलो खेलमा नेपाल ओमानसँग १८ रनले पराजित भएको हो । ओमानले दिएको १९८ रनको लक्ष्य पछ्याएको नेपाल १७९ रनमा समेटिन पुग्यो । शरद भेषावकरले अर्धशतकीय पारि खेलेका थिए ।

यसैगरी दीपेन्द्रसिंह ऐरीले ३६ रन बनाउँदा लेगस्पिनर सन्दीप लामिछानेले २८ रन जोडे ।

विकेटकिपर विनोद भण्डारीले २६ रनको योगदान गरे पनि टिमलाई जित दिलाउन सकेनन् । टस हारेर पहिला ब्याटिङ गरेको ओमानले ९ विकेट गुमाएर १९७ रन बनाएको थियो ।