काठमाडौं : सहिद स्मारक ‘ए’ डिभिजन लिगमा संकटा क्लबले जित निकालेको छ ।

आइतबार भएको खेलमा संकटाले हिमालयन शेर्षा क्लबलाई १–० गोल अन्तरले पराजित गरेको हो । संकटालाई जित दिलाउन अजय मार्टिनले निर्णायक गोल गरेका हुन् ।

उनले खेलको २१औं मिनेटमा गरेको गोल नै खेलको निर्णायक गोल बनेको थियो । जितसँगै संकटाले १० खेलबाट १५ अंक जोड्दै तालिकाको छैटौं स्थानमा उक्लेको छ ।

पराजित शेर्षा १० खेलबाट ७ अंक छ । शेर्पा रेलिगेशन जोनबाट बच्न संघर्ष गरिरहेको छ । आजै हुने दोस्रो खेलमा विभागीय टोली त्रिभुवन आर्मी र नेपाल पुलिस क्लबले प्रतिस्पर्धा गर्दै छन् ।