शहीद स्मारक ए डिभिजन लिडमा सञ्जोक राईले ह्याट्रिक गरेका छन् । लिगमा पहिलो ह्याट्रिक समेत सञ्जोक राई नै बनेका छन् ।

राईको ह्याट्रिकसँगै थ्रीस्टारले सरस्वति क्लब विरुद्ध शानदार जित निकालेको छ । पहिलो हाफ गोल रहित बराबरी खेलेको थ्रीस्टारले दोस्रो हाफमा चार गोल गरेको छ ।

सञ्जोक राईले ५७औं, ६०औं र ७१औं मिनेटमा गोल गर्दै ह्याट्रिक गरेका थिए । थ्रीस्टारका लागि पहिलो गोल भने ४८औं मिनेटमा लालरामावियाले गरे । उनले वान भर्सेस वानमा गोल गरेका थिए ।

जितसँगै, थ्रीस्टार १० खेलबाट १७ अंक जोड्दै चौथों स्थानमा उक्लिएको छ ।