पोखरा । १३ औं दक्षिण एसियाली खेलकुद ‘साग’ अन्तर्गत महिला क्रिकेटमा नेपालले कास्य पदक जितेको छ । आज पोखरा रंगशालामा भएको खेलमा माल्दिभ्सलाई १० विकेटले पराजित गर्दै नेपालले कास्य जितेको हो ।

माल्दिभ्सले दिएको ९ रनको सामान्य लक्ष्य नेपालले १ ओभर १ बलमा लक्ष्य पुरा गर्यो । नेपालकी रोमा थापाले ५ र काजोल श्रेष्ठले २ रन बनाए ।

यसअघि टस जितेर पहिले ब्याटिङ गरेको माल्दिभ्सले ११ ओभर ३ बलमा ८ रन जोड्दा अलआउट भएको छ ।

नेपालकी अन्जली चन्दले ४ विकेट लिइन्। यस्तै रुबिना क्षेत्रि र सिता राना मगरले समान २/२ विकेट हात पारे ।