धादिङ । बिजया दशमीको अवसरमा यसपालि पनि धादिङ जिल्ला सिद्धलेक गाँउपालिका-२ खिर्रे भञ्याङमा ‘खुल्ला पुरुष भलिबल तथा विविध सास्कृतिक कार्यक्रम’ हुने भएको छ ।  तमु युवा समाज धादिङले विगत केहि वर्ष देखि यस प्रतियोगिता आयोजना गर्दै आईरहेको छ ।

बार्षिक कार्यक्रम अनुसार यस बर्ष पनि बिजया दशमीको उपलक्ष्यमा आयोजना गरिने भएको हो । प्रतियोगिता आश्विन २२ गते बुधबार बाट सुरु हुनेछ ।

भलिबल प्रतियोगितामा प्रथम पुरस्कार नगद रु.५० हजार ट्रफि,मेडल, प्रमाण–पत्र, द्वितीय पुरस्कार नगद रु.३० हजार ट्रफि,मेडल,प्रमाण–पत्र, र तृतीय पुरस्कार नगद रु.२० हजार ट्रफि,मेडल,प्रमाण–पत्र र प्रतियोगितामा उत्कृष्ट खेलाडि,उत्कृष्ट स्पाईकर,लिफ्टरका साथै उत्कृष्ट ब्लकरलाई ट्रफि,मेडलले पुरस्कृत गरिने आयोजक संस्थाका सुन्दर गुरुङले बताए ।

इन्ट्रि शुल्क रु.३,००० मात्र तोकिएको र  आश्विन २१ गते सम्म टिम दर्ता गराउन सक्ने आयोजकले जनाएको छ ।