सिंगापुरमा आयोजना हुने तीन राष्ट्रबीचको त्रिकोणात्मक टी–ट्वान्टी क्रिकेट सिरिजको पहिलो खेलमा नेपालले आज शुक्रबार टेष्ट राष्ट्र जिम्बावेविरुद्ध प्रतिस्पर्धा गर्दैछ ।  जिम्बावेविरुद्ध मैदान उत्रदा नेपाल सुखद सुरुवात गर्ने लक्ष्यमा हुनेछ । नेपाल र जिम्बावेबीचको खेल नेपाली समय अनुसार साँझ सवा ५ बजे इन्डियन एसोसियसनको मैदानमा सुरु हुनेछ ।

नेपाल र जिम्बावेबीच टी–ट्वान्टी क्रिकेटमा पहिलो पटक प्रतिस्पर्धा हुन लागेको हो । सिरिज अन्तर्गत नेपालले भोली सिंगापुरसँग दोस्रो खेल खेल्नेछ ।
डबल राउण्ड रोबिनको आधारमा हुने सिरिजमा नेपालले जिम्वाबेसँग आउदो मंगलबार दोस्रो खेल खेल्नेछ ।

यस्तै नेपालले बुधबार सिंगापुरसँग खेल्नेछ । डबल राउण्ड रोबिनको आधारमा हुने सिरिजको शीर्ष दुई टोलीले फाइनल खेल्नेछन् ।