स्पेनिस ला लिगा फुटबल अन्तरगत आज (बुधबार) बिहान भएको खेलमा बार्सिलोना विजयी भएको छ । बार्सिलोनाको मैदान  नाउ क्यास्पमा भएको खेलमा पाहुना टोलि भिल्लारियलमाथि २–१ गोलको जित निकालेको हो ।

पहिलो हाफको छैटौँ मिनेटमा मेस्सीको सहयोगमा एन्टोनी ग्रिजम्यानले गोल गर्दै बार्सिलोनालाई अग्रता दिलाएका थिए । आर्थर रामोसले १५ औं मिनेटमा गोल गर्दै अग्रता दोब्बर बनाए ।

भिल्लारियलका लागि सान्टियागो गोन्जालेजले गोल गर्दै अग्रता २–१ मा झारे पनि हार भने टार्न सकेनन् । जितसँगै बार्सिलोना ला लिगाको चौथो स्थानमा उक्लिएको छ ।

मेस्सी घाइते;
अघिल्लो साता ग्रानाडासँग पराजित भएको बार्सिलोनाको प्लेयिङ सेटमा सुरुमै लियोनल मेस्सी खेलेका थिए । तर उनी खेलका दौरान घाइते भएपछि दोस्रो हाफमा भने रिप्लेस भएका थिए ।

उनको स्वस्थ अवस्था कस्तो छ भनेर खुलिसकेको छैन । बार्सिलोनाले सुवाति अवस्थामा उनको काल्फ इन्जुरी बल्झिएको र थप चेकजाँच हुने जनाएको छ ।