काठमाडौं । नेपाली कांग्रेस केन्द्रीय कार्यसमितिको बैठक स्थगित भएको छ । वरिष्ठ नेता रामचन्द्र पौडेल अस्वस्थताका कारण उपस्थित हुन नसकेपछि बुधबारका लागि बोलाइएको केन्द्रीय कार्यसमिति बैठक स्थगित भएको हो ।

आज दिउँसो दुई बजे केन्द्रीय कार्यालय सानेपामा बस्ने भनिएको बैठकमा वरिष्ठ नेता पौडेल अस्वस्थ भएर उपस्थित हुन नसक्ने भएपछि स्थगित गरिएको केन्द्रीय सदस्य प्रदीप पौडेलले जानकारी दिए ।

कांग्रेस प्रवक्ता विश्वप्रकाश शर्माले केन्द्रीय कार्यसमिति बैठक स्थगित भएको पुष्टि गर्दै अहिले पदाधिकारी बैठक बसिरहेको जानकारी दिएका छन् । केन्द्रीय समिति बैठक भोलि बिहीबार दिउँसो दुई बजेका लागि सारिएको बताइएको छ ।