काठमाडौं । चर्चित गायिका सम्झना भण्डारी र गायक हेमन्त कान्छा रसाइलीको तीज गीत बहिनी नाचिनको भिडियो सार्वजनिक भएको छ । हिन्दु नारीहरुको महान पर्व तीज नजिकिँदै गर्दा यि दुई लोकप्रिय कलाकारहरुले बहिनी नाचिन बोलको गीत पृथ्वी इन्टरटेन्टमेन्ट बाट बजारमा ल्याएका हुन् । सपना रसाइलीको उत्कृष्ट शब्द संयोजनमा रहेको गीतलाई गायक हेमन्त कान्छाले संगीत भरेका छन् ।

सार्वजनिक गीतको भिडियो पनि निकैनै उत्कृष्ट बनेको छ जस्मा शिव विकको निर्देशन रहेको छ भने, ‘नवराज उप्रेतीले छायांकन गरेका हुन् । भिडियोमा कलाकारहरु रेशम फिरिरि ,हेमन्त कान्छा रसाइली , विकाश राना, सम्झना भण्डारी, अस्मिता भण्डारी,एलिना ठकुरी, रुपा सुनार लक्ष्मी भण्डारीको उत्कृष्ट अभिनय हेर्न पाइन्छ । भिडियो सार्वजनिक भएसँगै अहिले चौतर्फी चर्चा सुरु भएको छ ।