नेत्रबिक्रम चन्द विप्लव नेतृत्वको समूहले लगाएको आगो निभाउन जाँदा प्रहरी निरीक्षक गम्भीर घाइते भएका छन् । आज बिहान गेरुवा गाउँपालिकाको ६ नम्बर वडा कार्यालयमा लागेको आगो निभाउँन जाँदा प्रहरी निरीक्षक यम बहादुर मल्ल गम्भीर घाइते भएका हुन्।

आगो निभाउने क्रममा छत खस्दा ईलाका प्रहरी कार्यालय पाताभारमा कार्यरत मल्लको टाउँकोमा गम्भीर चोट लागेको छ भने करङको हड्डी भाचिएको छ ।

गम्भीर घाइते भएका प्रहरी निरीक्षक मल्लको नेपालगंजस्थित शिक्षण अस्पतालमा उपचार भइरहेको छ । उनलाई थप उपचारको लागि काठमाडौं ल्याउने तयारी भइरहेको डिएसपी मदनजित महराले बताए । आगजनी गर्नेहरुको खोजी भइरहेको प्रहरीको भनाइ छ।