काठमाडौं । चौंथो संस्करणको ललित स्मृति अण्डर एट्टिन फुटबल च्याम्पियनसिपमा न्युरोड टिम एनआरटीले विजयी सुरुवात गरेको छ ।
बुधबार भएको उद्घाटन खेलमा भ्याली च्यासल युथ क्लबलाई ४–१ गोल अन्तरले पराजित गर्दै एनआरटीले सुखद सुरुवात गरेको हो ।

एन्फा कम्प्लेक्स सातदोबाटोमा एनआरटीलाई जित दिलाउन रिजन माझी, क्रितिश रत्न छुन्जु,सुजन शर्मा धिताल र विवेक राईले एक एक गोल गरे । च्यासलका सिराब लो तामाङले एक गोल फर्काए । असार ३१ गतेसम्म चल्ने प्रतियोगितामा ‘ए’ डिभिजनका १४ क्लबले प्रतिस्पर्धा गरिरहेका छन् । लिग कम नकआउटका आधारमा सञ्चालन हुने प्रतियोगितामा सहभागि टिमलाई तीन समूहमा विभाजन गरिएको छ । समूह चरणका विजेता र उपविजेता सहित उत्कृष्ट २ टिमले नकआउट चरणमा स्थान बनाउनेछन् ।