काठमाडौं । नेपाली फुटबल विकासमा चीनले सहयोग गर्ने भएको छ । नेपाली फुटबल विकासका लागि अखिल नेपाल फुटबल संघ (एन्फा) र चाईनिज फुटबल संघबीच आज औपचारिक सम्झौता भएको छ ।

नेपाल भ्रमणमा रहेका चाईनिज फुटबलका अध्यक्ष चाई झिन्हुआ र एन्फा अध्यक्ष कर्मा छिरिङ शेर्पाबीच चार बर्षे सम्झौता पत्रमा हस्ताक्षर भएको छ । फुटबल विकासमा सहकार्य गर्न अध्यक्ष झिन्हुआसहितको टोली आजै नेपाल आईपुगेको हो ।

एन्फा र चीनले मुख्य तीन बुदामा आधारित रहेर सम्झौता गरेका छन् । जसमा राष्ट्रिय टिम, पुर्वाधार र फुटबलको प्राविधिक बिषय रहेको छ । सम्झौतासंगै राष्ट्रिय टिमको आदान प्रदान, पुर्वाधार विकासमा सहकार्य, प्राविधिक विकासमा चीनले नेपाललाई सहयोग गर्नेछ । सम्झौतापछि बोल्दै एन्फा अध्यक्ष शेर्पाले यस सहकार्यले नेपाली फुटबल विकासको लागि चीनले प्रर्बधन गर्ने बताउनुभयो । सम्झौतापछि नेपालमा आयोजना हुने प्रतियोगितामा चीनका क्लबहरु सहभागि हुने जनाइएको छ ।

चाईनिज फुटबलका अध्यक्ष झिन्हुआले महिला र युवा टिमबीच सम्बन्ध बनाउने आधार तयार भएको बताउदै नेपालसंग मिलेर फुटबलमा धेरै काम गर्न सकिने बताउनुभयो ।