काठमाडौं । अमेरिकी पूर्व राष्ट्रपति जर्ज एच. डब्लु बुसको निधन भएको छ । अमेरिकाको ४१ औँ राष्ट्रपतिका रुपमा जिम्मेवारी सम्हालेका बुसको ९४ वर्षको उमेरमा निधन भएको द वासिङ्गटन पोस्टले जनाएको छ ।

उहाँ सन् १९८९ देखि १९९३ सम्म अमेरिकाको राष्ट्रपति बन्नु भएको थियो । त्यसअघि उहाँले ८ वर्षसम्म उपराष्ट्रपतिको जिम्मेवारी निर्वाह गर्नुभएको थियो ।

दोस्रो विश्व युद्धका भेट्रान बुस पछि राजनीतिमा आएर राष्ट्रपति बन्नुभएको थियो । तत्कालीन सोभियत युनियन र अमेरिकाबिचको शित युद्ध अन्त्य गर्नका लागि उहाँको भूमिका महत्वपूर्ण छ ।