काठमाडौं । २२ औं राष्ट्रिय महिला भलिबल प्रतियोगिता असोज २३ देखि २७ गतेसम्म बाग्लुङमा हुने नेपाल भलिबल संघले बताएको छ । शुक्रबार पत्रकार सम्मेलन गर्दै भलिबल संघले उक्त प्रतियोगिताबारे जानकारी दिएको हो ।

प्रतियोगितामा सात प्रदेश र ३ विभागिय टोलीको सहभागिता रहने आयोजकले बताएको छ । प्रतियोगिता बाग्लुङ जिल्ला भलिबल संघको व्यवस्थापन र गल्कोट नगरपालिकाको सहयोगमा आयोजना हुने भएको छ ।

प्रतियोगिताको विजेताले ५० हजार प्राप्त गर्नेछ भने दोस्रो र तेस्रो हुनेले क्रमशः ३० हजार र २० हजार पाउने छन् । प्रतियोगिताको सर्वोत्कृष्ट खेलाडीले १० हजार पाउनेछ भने उत्कृष्ट पाँच खेलाडीलाई समान ५-५ हजार प्रदान गरिने आयोजकले बताएको छ ।

प्रतियोगिताको लागि नेपाल भलिबल संघले शुक्रबार नै बाग्लुङलाई ५० हजार नगदसहित ६ थान बल र एक थान नेट प्रदान गरेको छ ।