काठमाडौं । बिमस्टेक सम्मेलनको समयमा उपत्यकामा अत्यावश्यक सेवा र सञ्चार गृहको सवारीसाधनमा जोरविजोर लागु नहुने भएको छ । गृह मन्त्रालयमा बसेको सुरक्षा महाशाखाको बैठकले यस्तो निर्णय गरेको हो । अत्यावश्यक सवारीसाधनमा एम्बुलेन्स, दमकल, अस्पताल, सञ्चार, पर्यटक बोकेका सवारीसाधन राखिएको छ ।
अत्यावश्यक सेवा, प्रेस र विमस्टेक सम्मेलनको पास नभएका सवारी साधनको हकमा भने भदौ १३, १४ र १५ गते जोरविजोर प्रणाली लागु हुनेछ । पत्रकारलाई सूचना विभागको कार्ड भने अनिवार्य गरिएको गृहमन्त्रीका प्रेस संयोजक किरण भट्टराईले जानकारी दिए ।
राति १० बजेदेखि बिहान ६ बजेसम्म भने जोरविजोर सबै सवारी साधन सञ्चालन हुन पाउनेछन् । सुरक्षा महाशाखाको बैठकले उपत्यकाका सबै शैक्षिक संस्थाहरुमा भदौ १४ र १५ गते बिदा दिने निर्णय समेत गरेको छ ।
प्रतिक्रिया