काठमाडौँ । नेपाली कांग्रेसका सभापति एवं पूर्बप्रधानमन्त्री शेरबहादुर देउवा स्वास्थ्य परीक्षणका लागि आज सिंगापुर जानुभएका छन ।

साउन पहिलो साता सिंगापुर जान लागेका सभापति देउवाले जुम्लामा डा. गोबिन्द केसीको अनसनका कारण अन्तिम समयमा भ्रमण स्थगित गरेका थिए ।

सिंगापुर उपचारका क्रममा देउवाले राजनितिक भेटघाट पनि गर्ने बताइएको छ । देउवा आज १ बजे सिंगापुर जाने कार्यक्रम रहेको उनको निजि सचिवालयले जनाएको छ ।

सिंगापुर बसाई एकसाता लामो हुने उनका स्वकीय सचिब भानु देउवाले जानकारी दिए ।

यता, प्रधानमन्त्री केपी ओलीले नयाँ प्रधानन्यायाधीश सिफारिश गर्न भन्दै आजका लागि बोलाएको संबैधानिक परिषद्को बैठक परिषद्का सदस्य मुख्य बिपक्षी दल कांग्रेस सभापति देउवा सिंगापुर जाने भएपछि स्थगित गरिएको छ ।

संवैधानिक परिषद् बैठक आज बस्न नसकेपछि एक साताका लागि स्थगित भएको हो । परिषदको बैठक बस्न नसक्दा नयाँ प्रधानन्यायाधीश लागि नामा सिफरिसमा थप ढिलाई हुने भएको छ ।