काठमाडौं । नेपाली राष्ट्रिय क्रिकेट टोलीले आज बेलायतको लर्ड्स क्रिकेट मैदानमा त्रिकोणात्मक ट्वेन्टी ट्वेन्टी शृङ्खला खेल्दैछ ।क्रिकेटको मक्का मानिने ऐतिहासिक लर्ड्स मैदानमा नेपालले दोस्रो पटक खेल्न लागेको हो ।

मैत्रीपूर्ण टी–ट्वेन्टी शृङ्खलाका लागि नेपाली टोली अहिले इङ्ल्याण्डमा छ ।नेपालले आज साँझ नेपाली समयअनुसार सवा ६ बजे मेरेलीबोन क्रिकेट क्लव (एम.सी.सी.)सँग खेल्नेछ भने साढे १० बजे नेदरल्याण्ड्ससँग खेल्नैछ ।

नेपालले सन् २०१५ पछि पहिलो पटक अन्तराष्ट्रिय टि ट्वेन्टी खेल्न लागेको हो ।त्रिकोणात्मक सिरिजपछि नेपाली टोली नेदरल्याण्ड्स प्रस्थान गर्नेछ । नेपालले नेदरल्याण्ड्ससँग आगामी बुधबार र शुक्रबार एक दिवसीय खेल खेल्नेछ । नेपालले एक दिवसीय शृङ्खला खेल्न लागेको यो पहिलो अवसर हो ।