काठमाडौँ । रंगभेदी आन्दोलनका अभियन्ता तथा दक्षिण अफ्रिकाका पहिलो अश्वेत राष्ट्रपति नेल्सन मण्डेलाको सम्झनामा आज विश्वभर नेल्सन मण्डेला अन्तर्राष्ट्रिय दिवस मनाइदै छ ।

संयुक्त राष्ट्रसंघको आह्वानमा मण्डेला जन्मिएको दिन पारेर हरेक वर्ष जुलाई १८ का दिन दिवस मनाउने गरिएको छ ।

सन् २००९ को नोभेम्बरमा संयुक्त राष्ट्रसंघको महासभाले घोषणा गरेसँगै यो दिवस सन् २०१० देखि मनाउन थालिएको हो । यो वर्ष विशेष रुपमा मनाइदैछ ।

मण्डेला जन्मिएको १०० वर्ष पूरा भएको छ । सन् १९१८ को जुलाई १८ मा मण्डेलाको जन्म भएको थियो । १०० वर्ष पूरा भएको अवसरमा वर्षदिनभर विशेष कार्यक्रम गरिएका थिए ।

रंगभेदी आन्दोलनको नेतृत्व गरेर अश्वेतलाई अधिकार दिलाएकोमा मण्डेलाले नोबेल शान्ती पुरस्कार पनि पाउनु भएको थियो ।