मस्को — स्टार खेलाडीले भरिएको फ्रान्सले सुस्त सुरुआत गरेरपनि विश्वकप फुटबलको उपाधि जितेको छ । उसले आइतबार लुजनिकी रंगशालामा भएको फाइनलमा क्रोएसियामाथि ४—१ को जित रच्दै दोस्रोपल्ट विश्वकप जितेको हो ।

यो विश्वकपमा सनसनीपूर्ण प्रदर्शन गरेका १९ बर्षीय फरवार्ड किलियन एम्बाप्पे, एन्टोइन ग्रिजमन र पउल पोग्बाको गोलसँगै फ्रान्स फेरि विश्वविजेता भएको हो । यसअघि उसले सन् १९९८ मा घरेलु भूमिमा भएको फाइनलमा ब्राजिललाई ३—० ले हराएर पहिलोपल्ट विश्वकप जितेको थियो । उसलाई २००६ को फाइन्लमा भने इटालीले पेनाल्टी सुटआउटमा स्तब्ध पारेको थियो ।