काठमाडौं  । रुसमा जारी विश्वकप फुटबल प्रतियोगिताको अन्तरगत आजदेखि क्वाटरफाईनलका खेल हुँदैछन् । क्वाटरफाईनल खेल आज र भोली हुनेछन् ।

आज नेपाली समयअनुसार बेलुकी पौने ८ वजे हुने पहिलो खेलमा उरुग्वे र फ्रान्स भिड्नेछन् भने राती पौने १२ वजे ब्राजिल र बेल्जियमको खेल हुनेछ । यी दुई खेलको विजेता टोली सेमिफाईनलमा भिड्नेछन् । यसैगरी शनिवार वेलुकी पौने ८ वजे स्विडेन र इङ्गल्याण्ड भिड्दा राती पौने १२ वजे रुस र क्रोएसियाको खेल हुनेछ् । यी दुई खेलको विजेता टोली सेमीफाईनलमा आमने सामने हुनेछन् ।

खेल तालिका हेर्दा उरुग्वे, फ्रान्स, ब्राजिल र बेल्जियममध्ये एउटा टोली फाईनलमा पुग्नेछ भने इंग्लण्ड, स्विडेन, रुस र क्रोएसियामध्ये एक टोली फाईनलमा पुग्नेछ ।