काठमाडौं । गैरआवासीय नेपाली संघ (एनआरएन) का एसिया प्यासिफिक मानविय कल्याणकारी सहयोग समितिका संयोजक कपिलदेव थापाको सहयोगमा भक्तपुरको एक बृद्धाश्रममा ह्वीलचेयर वितरण गरिएको छ ।

भक्तपुरको सल्लाघारी स्थित अशक्त बृद्धा बृद्धका लागि स्थापना गरिएको साहारा हेरचाह केन्द्रलाई देशान्तर मिडिया प्रालिका अध्यक्ष एंव देशान्तर साप्ताहीकका प्रधानसम्पादक कबिर राणा र थापाले संयुक्त रुपमा सो ह्वीलचेयर वितरण गरे ।

करिब २ लाख पर्ने ह्वील चेयर थापाले जापानबाट ल्याएका हुन् । जापानबाट ल्याएका दुई ह्वीलचेयर मध्ये थापाले एउटा पोखरामा र एउटा भक्तपुरमा वितरण गरेका थिए ।