काठमाडौं । रुसमा जारी विश्वकप फुटबल अन्तरगत आज पनि तीन खेल हुँदैछ । आज हुने दोस्रो चरण अन्तरगतको पहिलो खेलमा पोर्चुगल र मोरक्को भिड्दैछ । खेल नेपाली समय अनुसार साँझ पौने छ बजेदेखि सुरु हुनेछ ।

समूूह बीमा रहेको पोर्चुगलको अंक तालिका १ छ भने मोरक्कोले खाता खोल्न सकेको छैन । जसले गर्दा आजको खेल दुवै टीमलाई जित्नै पर्ने दवाव छ ।

त्यसैगरी आजको दोस्रो खेलमा उरुग्वे र साउदी अरेवियाबीच प्रतिस्पर्धा हुदैँछ । खेल नेपाली समय अनुसार राति पौने ९ बजेदेखि सुरु हुनेछ ।
उरुग्वेले पहिलो खेल जितेकाले आजको खेल कम्तिमा बराबरी गरेमात्रै प्रि क्वार्टर फाइनलमा प्रबेश गर्नेछ ।

त्यस्तै आजको अन्तिम तथा तेस्रो खेलमा इरान र स्पेन भिड्दैछ । खेल नेपाली समय अनुसार राति पौने १२ बजेदेखि सुरु हुनेछ । आजको खेलमा इरान विजयी भए अन्तिम १६ को यात्रा सहज हुनेछ । पहिलो खेलमा पोर्चुुगलसँग बराबरीमा रोकिएको स्पेनलाई पनि प्रतियोगितामा टिकिरहन इरानलाई हराउँनै पर्ने दवाव छ ।