काठमाडौं । पृथ्वी राजमार्गअन्र्तगत चितवनको चुम्लिङटारमा आज बिहान सवारी दुर्घटना हुँदा ४ जनाको मृत्यु भएको छ । ६ जना घाइते छन् । काठमाडौंबाट मुग्लिनतर्फ जादै गरेको ना ६ ख ४०६४ नम्बरको ट्रकले पोखराबाट काठमाडौंतर्फ आउँदैै गरेको ग १ ख ७६९२ नम्बरको माइक्रोबसलाई पानीधारा भन्ने स्थानमा ठक्कर दिँदा दुर्घटना भएको हो ।
चितवन प्रहरीका अनुसार, ३ जनाको दुर्घटना स्थलमै र एक जनाको उपचारका क्रममा मृत्यु भएको हो । मृत्यु हुनेमा चालक कास्की रुपाकोट–८ का ३३ वर्षीय चन्द्रबहादुर केसी रहेको प्रहरीले जनाएको छ ।

मृतक अन्य तीन जनाको सनाखत हुन सकेको छैन । दुर्घटनामा परी घाइतेमध्ये पाँच जनाको चितवन मेडिकल कजेल र एक जनाको कलेज अफ मेडिकल साइन्सेज शिक्षण अस्पताल भरतपुरमा उपचार भइरहेको प्रहरीले जनाएको छ । तीमध्ये चार जनाको अवस्था गम्भीर रहेको छ ।