काठमाडौँ  ।  साउन ११ देखि प्रदर्शनमा आउन लागेको फिल्म ‘चिँ मुसी चिँ’ ले मंगलबार शीर्ष गीत रिलिज गरेको छ । गीत युटयुबमार्फत रिलिज गरिएको हो । सन्तोष पोखरेलका शब्द र करणराज कार्कीको संगीत रहेको गीतमा सुजाता पाण्डेको स्वर सुन्न सकिन्छ ।

नायिका नम्रता सापकोटासहित सुनील क्षेत्री, शिवराज कार्की र अलिशा शर्मा अभिनीत गीतलाई विक्रम स्वाँरले कोरियोग्राफी गरेका हुन् ।

म्युजिकल थ्रिलर जानरामा निर्मित यस फिल्मलाई दिनेश श्रेष्ठले निर्देशन गरेका हुन् । अरुणकुमार गुरुङ, महेश्वर खत्री, सुवास भुर्तेल, डबबहादुर गुरुङले निर्माण गरेको फिल्ममा सुशान्त कार्की, शेखर अधिकारी, कमली वाइबालगायतको अभिनय रहेको छ । वासु न्यौपाने छायाकार रहेको फिल्मको सम्पादन भूपेन्द्र अधिकारीले गरेका हुन् ।