दिवंगत अभिनेत्री श्रीदेवी र फिल्म निर्माता बोनी कपूरकी जेठी छोरी जान्ह्वी कपूर आजकाल लगातार चर्चामा बनिरहेकी छिन् । जान्ह्वी कपुर चाँडै नै ‘धडक’ फिल्मबाट आफ्नो बलिउड यात्रा सुरु गर्दैछिन् । यो फिल्ममा उनको अपोजिट इशान खट्टर छन् । फिल्मको सुटिङबाहेक पनि जान्ह्वी र इशानलाई थुप्रै पटक एक अर्कासँग देखिने गरिएको छ । यहाँ दिइएका तस्बिर सोमबार बेलुकाको हो । दर्के पानीमा पनि यी दुई सँगै देखिएका थिए ।

इशान खट्टर शाहिद कपुरका भाइ हुन् । हालै उनको डेब्यु फिल्म ‘बियोन्ड द क्लाउड्स’ रिलिज भएको थियो । यो फिल्मले बक्स अफिसमा त्यति राम्रो छाप छोड्न सकेन । धडक इशानको दोस्रो फिल्म हो ।