काठमाडौ । भक्तपुरमा टिपरले स्कुटरलाई ठक्कर दिँदा आमाछोरासहित तीन जनाको मृत्यु भएको छ ।बुधबार दिउँसो साढे १ बजे भक्तपुरको नलीनचोकमा काभ्रेबाट काठमाडौँका लागि छुटेको बा ३ ख ६६७४ नम्बरको टिपरले बा ५६ प १२२७ नम्बरको स्कुटरलाई ठक्कर दिँदा स्कुटरमा सवार तीन जनाको घटनास्थलमै मृत्यु भएको हो ।

मृत्यु हुनेमा दोलखा घर भई भक्तपुर बस्ने ५० वर्षका हरिबहादुर कटुवाल, ४२ वर्षकी सविता घिमिरे र उनका छोरा १३ वर्षीय अविन्द्र घिमिरे रहेको प्रहरीले जानकारी दिएको छ । दुर्घटनापछि चालक फरार छन् ।टिपरलाई महानगरीय प्रहरी वृत्त जगातीले नियन्त्रणमा लिएको छ । ज्यान गुमाएका तीनै जनाको शव भक्तपुर अस्पतालमा राखिएको छ ।