इन्डियन प्रिमियर लिग आईपिएल क्रिकेटमा आज दुई खेल हुने छन् । राजस्थान रोयल्स र रोयल च्यालेन्जर्स बैँङलोर भिड्ने छन् भने सनराइजर्स हैदरावाद र कोलकाता नाइट राइडर्सबिच प्रतिस्पर्धा हुने छ ।

राजस्थान रोयल्स र रोयल च्यालेन्जर्स बैँङलोर बिचको पहिलो खेल सवा ४ बजे हुने छ भने सनराइजर्स हैदरावाद र कोलकाता नाइट राइडर्सबिच दास्रो खेल नेपाली समय अनुसार राती सवा ८ बजे सुरु हुने छ ।
यसअघि गएराती भएको खेलमा नेपाली लेग स्पिनर सन्दीप लामिछानेको उत्कृष्ट प्रदर्शनसँगै दिल्ली डेयरडेभिल्स विजयी भएको छ ।

चेन्नई सुपर किङ्सलाई ३४ रनले पराजित गरेको हो । १ सय ६३ रनको लक्ष्य पछ्याएको चेन्नईले ६ विकेट गुमाएर १ सय २८ रन मात्रै बनाउन सक्यो ।