काठमाडौँ । इन्डियन प्रिमियर लिग आईपिएल क्रिकेटमा आज दिल्ली डेयरडेभिल्सले चेन्नाई सुपर किङ्ससँग खेल्ने छ । खेल नेपाली समय अनुसार राती सवा ८ बजे दिल्लीमा हुने छ ।

यसअघि गएराति भएको खेलमा रोयल च्यालेन्जर्स बेंग्लोरले सनराईजर्स हैदरावादलाई १४ रनले पराजित गर्दै प्ले अफमा पुग्ने सम्भावनालाई जीवितै राखेको छ । ईपिएल अंक तालिकामा बेंग्लोरले १३ खेलबाट १२ अंक जोडेको छ । १८ अंक जोडेको हैदरावाद र १६ अंक जोडेको चेन्नाई प्ले अफमा पुगिसकेका छन् ।

तेस्रो स्थानको कोलकाता नाईट राईडर्सको १४ अंक छ भने मुम्बई इन्डियन्स, बैंग्लोर, राजस्थान रोयल्स र किङ्स ईलेभेन पञ्जावको समान १२–१२ अंक छ । पुछारमा रहेको दिल्ली डेयरडेभिल्सको भने ६ अंकमात्रै छ ।