विरगंज । नेपाल पत्रकार महासंघ प्रदेश नम्बर २ को प्रदेश समितिलाई आज सम्मान गरिएको छ । नेपाल प्रेस युनियन, प्रेस चौतारी नेपाल, प्रेस सेन्टर नेपाल पर्सा शाखाले प्रदेश नम्बर दुईको निर्वाचित कार्यसमितिलाई सम्मान गरेको हो । ने

पाल पत्रकार महासंघ पर्सा शाखाको हलमा भएको सम्मान कार्यक्रममा प्रदेश अध्यक्ष दिपेन्द्र चौहानले नेपाल पत्रकार महासंघको साझा चरित्रलाई जोगाउनका लागि आफ्नो पहिलो पहल हुने बताए । उनले राज्यको चरित्र सधै शासक हुने तथा दमनकारी हुने भएकाले पत्रकार महासंघले सधै प्रतिपक्षको भुमिका निर्वाह गर्ने बताए । कार्यक्रममा प्रदेश अध्यक्ष चौहान, उपाध्यक्ष, केसी लामिछाने, जनजाति सदस्य जगत राईलाई सम्मान पत्र सहित सम्मान गरिएको थियो ।

कार्यक्रम प्रेस चौतारीका पर्सा अध्यक्ष अनुप तिवारीको अध्यक्षमा भएको थियो भने प्रेस चौतारीका केन्द्रीय सदस्य व्रिजलाल पासवान लगायतका वक्ताले बोल्नुभएको थियो । सोही कार्यक्रममा प्रदेश नम्बर दुईका निर्वाचित पदाधिकारीहरुलाई आदिवासी जनजाती पत्रकार महासंघ फोनिजले समेत सम्मान गरेको थियो ।