काठमाडौं । चिनियाँ राष्ट्रपति सी जिनपिङ र भारतीय प्रधानमन्त्री नरेन्द्र मोदीबीच भेटवार्ता भएको छ ।

डोक्लाम विवादपछि सी र मोदीबीच पहिलो पटक भेटवार्ता भएको हो, जसलाई अनौपचारिक शिखर सम्मेलन भनिएको छ । हुबेई प्रान्तीय संग्रहालयमा लामो रेड कार्पेट पार गरेपछि सीले मोदीलाई स्वागत गरेका थिए ।

मोदीलाई त्यहाँ सांस्कृतिक नृत्यसहित स्वागत गरिएको थियो ।

राष्ट्रपति सीले भनेका छन, ‘मोदीलाई भेट्दा खुसी लाग्यो । बसन्त ऋतु भेटका लागि राम्रो समय हो ।’भारतीय प्रधानमन्त्री मोदीले भने स्वागतका लागि सीलाई धन्यवाद दिएका छन् ।