काठमाडौं । अभिनेत्रीका रुपमा दर्शकको मन जित्न सफल भएर अनुष्का शर्मा बलिउडमा आफ्नो छुट्टै पहिचान बनाउन सफल निर्माताको रुपमा ‘दादा साहेब फाल्के’ अवार्डबाट छिट्टै नै फिल्म निर्माताको रुपमा सम्मानित हुँदैछिन । यतिबेला फिल्म‘सुईधागा’को छायाँकंनमा व्यस्त रहेकी अभिनेत्री शर्मा सम्मानित गर्न लागिएको हो ।

अनुष्का शर्मा तथा उनका भाई कर्नेश शर्मा मिलेर क्लीन स्लेट फिल्म नामक प्रोडक्सन कम्पनीबाट उनी २५ वर्षकै हुँदा फिल्म ‘एनएच १०’ निर्माण गरेका थिए । जुन फिल्म बलिउडमा सफल हुनुको साथै फिल्मले समिक्षकको प्रशंसा पनि बटुलेको थियो । उनले गरेको कामको प्रशंसा स्वरुप ‘दादा साहेब फाल्के फाउण्डेशन’ले सम्मान गर्न लागेको हो ।

अनुष्काले उनको करियरको सुरुवात २००७ मा मोडलको रुपमा गरेकी थिइन । २००८ मा उनले फिल्म ‘रब ने बना जोडी’ बाट बलिउडमा डेब्यू गरेकी थिइन । गएको वर्ष उनले भारतीय क्रिकेट टिमका कप्तान विराट कोहलीसँग विवाह गरेकी थिइन ।