धौलागिरी,       मुस्ताङ, म्याग्दी र बागलुङमा उत्पादन हुने स्याउको लगत संकलन र राष्ट्रिय आयमा परेको प्रभावबारे अध्ययन सुरु भएको छ। नेपालको राष्ट्रिय आयमा स्याउ को हिस्सा पत्ता लगाउन पहिलोपटक अध्ययन सुरु गरिएको केन्द्रीय तथ्यांक विभागले जनाएको छ।

उच्च पहाडी र हिमाली जिल्लामा स्थायी बालीको रूपमा खेती गरिँदै आएको स्याउको राष्ट्रिय आयमा हिस्सेदारीको विषयमा पहिलो अध्ययन सुरु गरेको विभागका कार्यवाहक महानिर्देशक नविनलाल श्रेष्ठले बताएका छन ।

स्याउको व्यवसायिक खेती हुने गरेको र ठूलो परिमाणमा स्याउ उत्पादन हुने भए पनि त्यसले नेपालको राष्ट्रिय आयमा पारेको प्रभावका बारेमा अहिलेसम्म अध्ययन नभएको श्रेष्ठले बताएका छन ।