काठमाडौं, नेपाली काँग्रेस संसदीय दलको नेता चयनका लागि मतदान सकिएको छ । संसदीय दलको कार्यालय सिंहदरबारमा बिहान १० बजेदेखि मतदान सुरु भएको थियो । सांसद प्रदिप गिरी र गगन थापाले अन्तिम मतदान गरेका छन् ।

निर्वाचन समितका अनुसार मत गणना तत्कालै सुरु गरिने छ । दलको नेताका लागि पार्टी सभापति शेरबहादुर देउवा र पूर्व महामन्त्री प्रकाशमान सिंह प्रतिस्पर्धामा छन्
मतदानका क्रममा पहिलो भोट नेता सिंहले खसाले भने दोस्रो भोट देउवाले खसालेका थिए ।

प्रतिनिधिसभामा कांग्रेसका प्रत्यक्ष निर्वा्चित २३ र समानुपातिकतर्फका ४० गरी ६३ जना सांसद छन् ।मतदान लगत्तै मतगणना सुरु हुने निर्वाचन समितिले जनाएको छ । आज २ बजे नै संसदीय दलको बैठक समेत आब्हान गरिएको छ ।