काठमाडौं । प्रदेश ४ र ६ मा शुक्रबार मुख्यमन्त्रीले शपथ लिनेभ एका छन्। बिहीबारमात्रै प्रदेश प्रमुखमा नियुक्त भएका प्रदेश ६ मा मुख्यमन्त्रीले प्रमुखको कार्यलयमा शपथ गर्ने तयारी गरिएको छ।

प्रदेश ४ मा २९ माघमा मुख्यमन्त्री नियुक्ति भइसकेको छ। मुख्यमन्त्रीमा नियुक्त एमाले ससदीय दलका नेता पृथ्वीसुब्बा गुरुङले शुक्रबार दिउसो ३ बजे प्रदेश प्रमुखको कार्यलयमा शपथ गर्ने कार्यक्रम रहेको छ। प्रदेश ४ को मुख्यमन्त्रीलाई प्रदेश प्रमुख बाबुराम कुँवरले पद तथा गोपनियताको शपथ गराउने छन्। त्यस्तै प्रदेश ६ को मुख्यमन्त्रीलाई प्रदेश प्रमुख दुर्गाकेशर खनालले शपथ गराउने छन्।

मुख्यमन्त्रीले शपथ लिएसँगै पहिलोचरणमा मन्त्रिपरिषद समेत गठन गर्ने तयारी गरिएको छ। यसअघि प्रदेश १,२,३ र ४ मा सरकार गठन भइसकेको छ भने प्रदे ७ मा शनिबार भोलि गर्ने कार्यक्रम रहेको छ।