काठमाडाैं ।धनुषाको क्षिरेश्वरनाथ नगरपालिका ८ हार्सरमा एक महिलालाई मट्टीतेल खनाएर जिउँदै जलाएर हत्या गर्ने प्रयास गरिएको छ । २० वर्षीया हजरा खातुनलाई उनका श्रीमान रसिद राइन सहितका परिवारले शनिवार जीउमा मट्टीतेल छर्केर आगो लगाई हत्या गर्ने प्रयास गरेका थिए ।हजाराको टाउकोभन्दा तलको शरिरको सम्पूर्ण भाग जलेर गम्भीर घाइतेको उपचारको लागि काठमाडौंको किर्तिपुर अस्पतालमा भर्ना गरिएको छ ।
घरमै जलेर गम्भीर घाइते भएको जानकारी पाएपछि इलाका प्रहरी कार्यालय महेन्द्रनगरबाट गएको प्रहरीको टोलीले उद्धार गरी हजरालाई उपचारको लागि अस्पताल पठाएको थियो ।
घटना स्थलबाटै प्रहरीले हजराका पति रसिदलाई नियन्त्रणमा लिएको जिल्ला प्रहरी कार्यालय धनुषाले जनाएको छ ।सम्बन्ध विच्छेद गर्न नमान्दा घरपरिवारका सम्पूर्ण सदस्यले मट्टीतेल छर्केर जीउँदै जलाएर हत्या गर्ने प्रयास गरेको भन्दै परिवारका सदस्यले पाँच जना विरुद्ध उजुरी दिएको धनुषा प्रहरीले जनाएको छ ।