न्यूजिल्याण्डमा जारी यू–१९ विश्वकप क्रिकेटका लागि भोलि चीरप्रतिद्वन्द्वी भारत र अष्ट्रेलिया आमने–सामने हुँदैछन् ।

न्यूजिल्याण्डको बे ओभलमा अन्डर नाइन्टिन विश्वकप इतिहासकै सबैभन्दा सफल दुई टिमबीच हुने प्रतिस्पर्धामा एउटा टीमले इतिहास रच्नेछ ।

दुवै टीमले अहिलेसम्म तीन–तीन पटक प्रतियोगिताको उपाधि जितिसकेका छन् ।फाइनल अगाडिको पत्रकार सम्मेलनमा दुवै टीमका कप्तानले आफ्नो टीम बलियो भएकाले उपाधि जित्नेमा ढुक्क भएको दाबी गरेका छन् ।

प्रतियोगिताको पहिलो खेलमा नै भारतले अष्ट्रेलियालाई १०० रनले हराएको थियो ।यो प्रतियोगितामा अष्ट्रेलियन बलरको आक्रमण भारतका ब्याट्सम्यानका लागि चुनौती हुनेछ ।