काठमाडौं । नेपाल निर्माण व्यवसायी महासंघका अध्यक्ष शरदकुमार गौचनमाथि सोमबार नयाँ बानेश्वरमा गोलि हानि हत्या गरिएको छ ।

काठमाडौंको नयाँबानेश्वर, खरिबोटस्थित घरबाट निस्कनेक्रममा गौचनमाथि अज्ञात व्यक्तिले गोली हानेको हो ।

कोखामा तीन गोली लागेका गौचनलाई उपचारका लागि मिनभवनस्थित सिभिल अस्पताल पुर्याइएको थियो । अस्पताल पुर्याउँदा पुर्याउँदै उनको बाटोमै निधन भएको प्रहरी स्रोतले जानकारी दियो ।