नयाँ दिल्ली । भारतको अरुणाचल प्रदेशमा भारतीय वायुसेनाको एक हेलिकोप्टर दुर्घटना हुँदा पाँच सैनिकको मृत्यु भएको छ । दुर्घटनामा अर्का एक सैनिक घाइते भएका छन् । घाइते सैनिकलाई उपचारका लागि अस्पताल भर्ना गरिएको अधिकारीहरुले जनाएका छन् ।

भारतीय वायु सेनाको एमआई–१७ भी ५ हेलिकोप्टर दुर्घटना भएको हो । वायुसेनाले दुर्घटनाको छानविनका लागि आदेश दिएको छ । सेनाका लागि आवश्यक सामान लिएर गइरहेको अवस्थामा शुक्रबार बिहान तवाङ्ग क्षेत्र नजिकै दुर्घटना भएको बताइएको छ ।